Tuesday, April 21, 2009

飲飽食醉 - 無咖啡的代替品

上個星期五唔記得帶返個"盒"返屋企裝咖啡粉返工,結果今日無咖啡飲。
好彩有友人係台灣帶回來的茶包禮盒係袋,六種口味,可以慢慢試。

johnshum.net v.s. john-shum.net

係03年買domain時,發覺 johnshum.net 被其他人register了,結果唯有退而求其次買了john-shum.net 作自己個website同email 通訊用。

本來問題都不是太大,不過發覺當填paper form或口講時,好難去被人分辨到 "-" 和 "_",結果就開始係要填paper form時,就會填 @gmail.com 或者 @ox4.me.uk 個email address。

前排幫人reg domain 時,發現johnshum.net居然release了出來,於是想都無想便走去reg 了johnshum.net回來。

現在,我就可以 johnshum.net 同 john-shum.net 同時駛用了 (不過setup我估都要一段時間)。

複雜的折扣優惠

今日收到某Credit Card公司Email來的優惠資料,標題是 "XX 低至七折禮遇",內容大致上是講憑卡在該服飾店簽賬購物,則可享有優惠。無聊之下望望那條款,看來都十分複雜下...

"購買第1件貨品85折,第2件8折,第3件7折,購買4件可享全部貨品7折優惠, 第5件則重新當第1件計算。如此類推。最高價錢的貨品在同一收據上當作為第1件貨品。"

看完之後,都係覺得佢比個working example比我好D...

去到買野,真係好容易會唔知佢點計...

Tuesday, April 14, 2009

飲飽食醉 - Coffee Press

我是一個無啡不歡的人,每日返工無咖啡就等於靈魂無返來咁。

以前在荔枝角,總會在臨上樓前排樓下間Circle K 去買杯茶餐廳式熱咖啡 + 三文治做早餐。

不過,轉了到筲箕灣後,起初得地鐵站有Circle K (即係無 $10 熱咖啡 + 三文治早餐賣...),之後仲摺埋,因此我唯有買罐裝吧。

不過始終都係想飲熱咖啡,又因為3合1太甜,而即溶又麻煩,於是我便想,與其都是要買即溶 + Coffeemate + 糖,我倒不如每日來個"新鮮"即磨咖啡吧。

於是想到有兩個方案,一係用funnel/filter,一係用coffee press。不過因為funnel/filter要買consumable,同埋要係pantry睇到實,結果我就決定去買個Coffee Press返來。

二月時到Starbucks看,他們賣的coffee press太大了,於是便再走到Citysuper看,$2xx。



帶到返公司後,我就展開了每日整咖啡的日子,每當頂部的咖啡渣漸漸地向下沉到差不多的時候,就代表我有咖啡飲了。

而每日我就變成少則一杯,多則三杯 (record so far...)~~ haha

飲飽食醉 - 天后,甜品



一個好大份的甜品 (唔記得叫乜名),攝於天后石磨坊 @ 上月旅行前數天

Friday, April 10, 2009

中國京滬遊 2009 - 小結

上個星期剛完成了歷時九天的京滬兩地遊...


無聊小結:
1. 同行有兩個英國人,因此一到旅遊區的步行街,就會聽到... iPhone? Watch? Bag? ...
2. 同上,夜晚就會係推銷另一樣服務
3. 不要因為平而買多了野... 如... RMB 6毫一個饅頭,買了 RMB 1.8...結果當然係吃不下來...
4. 相機無電呢個問題去到北京特別嚴重...可能因為太凍了
5. 今期買的無聊野係... Card Reader... 因為我帶去那個比我整斷了幾支針
6. 北京溫差太大,再加上非常乾燥,結果病了
7. 景點,一包紙巾值RMB 5,超市,一條10包紙巾值RMB 5
8. 同樣,兩位英國人也知道,落Pub一杯青島幾百蚊,超市,廿蚊經已成箱
9. 景點好多導遊黨...不論是場內或是場外
10. 北京機場T3,如非最後,切勿入閘,因為禁區內真係無乜舖頭
11. 成程講得最多係.............英文
12. 我D 香港口音的普通話看來又ok wor O_O

Anyway, 以下係一個少少的Summary
第一日 (27/3) (雨):
兩點多到浦東,等埋D friend,結果四點多先坐MagLev出機場。
去酒店Check-in後,到時代廣場那邊吃飯,後到新天地那邊。

第二日 (28/3) (雨,陰):
早餐南京路解決,之後到火車站買定去蘇州的火車票
後到外灘一遊,夜晚去聽Sarah Brightman

第三日 (29/3) (陰):
早餐街邊檔,之後到火車站乘半個鐘火車到蘇州,行了拙政園和山塘街,夜晚到南京路食飯

第四日 (30/3) (晴,陰):
朝早先到靜安寺 (很商業化O_O),之後到城隍廟那邊,撞到了兩個QE的同學,之後行了豫園,夜晚坐火車到北京

第五日 (31/3) (晴):
一大清早到了北京 (06xx),落了火車才醒起漏低隻GPS Logger係車上面,好彩上得返車取回
朝早七點多到酒店,酒店比我地early check-in,之後大家便沖涼後,先到北京北站買定火車票到八達嶺,再乘地鐵到鳥巢和水立方,之後再遠征中國鐵路博物館,後到王府井的apm (真的叫apm O_O)吃晚飯,之後覺得暈暈地,心感不妙

第六日 (1/4) (晴):
四點多起身,五點三出發去天安門看升旗 (05:59),再到北京北站乘七點多開的火車到八達嶺長城,係火車到發病,上長城行了一會便投降了,乘919回北京後(約下午兩點)便回到酒店,訓到六點多再到前門附近吃北京填鴨,不過都係病住去食

第七日 (2/4) (晴,陰):
同行的先行出發,自己則十一時多才到故官,行足一日,夜晚又去前門附近吃飯,之後因為腰酸背痛,便自己打的回酒店

第八日 (3/4) (陰):
去頤和園,又行足一日,夜晚去鼓樓東大街一間cafe吃飯,再行南鑼鼓巷,回到酒店後,想了很久後,便決定落樓下個spa到光顧一下

第九日 (4/4) (陰):
D friend 十點多走人,自己則十點多 check-out後出發,先到天壇,再到國家大劇院,最後王府井買手信。
三點多先回到酒店,之後乘地鐵到機場。Check-In後入禁區,先發覺禁區入面乜都無...
上到機,本來執了部iPod出來聽歌,不過發現不見了,落機時才發現部iPod係前面個位到 X_X~!

詳細遊記,不日推出(看進度...2011吧...)

Thursday, April 9, 2009

Sarah Brightman: Symphony - The World Tour


3月28日,上海,在外灘觀光過後,約5時便沿黃埔江和蘇州河步行回到酒店,略為執拾後便到地鐵站乘地鐵到上海體育館站,到上海大舞台準備欣賞Sarah Brightman的Symphony - The World Tour上海站的演出。

Monday, April 6, 2009

飲飽食醉 - 漢堡系列 III - Triple O

隔了好耐才出『飲飽食醉 - 漢堡系列 III』

今次要介紹的係由加拿大來港的Triple O的漢堡. 每次去親Triple O,我都係會叫BC Burger (有時會加多隻雞蛋),價錢來說算是比較貴,大概是$61 一個BC Burger Combo。



那它有何吸引我之處呢?首先就係即叫即製,相對地比較新鮮,而肉方便則肉汁豐富,而且大大份,一個Combo足夠填滿個肚。薯條則是粗身直薯條,如果配以Beef Gravy的話則十分野味。Overall 來說,我會話佢係物超所值的。

下面是兩間比較常光顧的Triple O地址

金鐘太古廣場二期LG1地庫 Great Food Hall (More in openrice)
尖沙咀海港城3樓city'super cooked Deli (More in openrice)