飲飽食醉咖啡篇 - M&S 的 coffee

換了兩"杯"咖啡返來玩。是M&S的Medium Roast (我估) Italian blend RICH roast 咖啡，它將磨好了的咖啡粉入了在filter bag內 (圖1)，再"啤"了在個filter杯入面(圖2)，用時將成隻野放上自己的杯上(圖3)加熱水即可(圖4)。

圖1

圖2

圖3

圖4


Filter緊那時轉了用個coffee press做隻杯來拍片...

飲飽食醉咖啡篇 - Coffee of the Month (Jul09)

盡可能的話，開始記下每次買回來的咖啡豆：

現在要買未磨的咖啡豆，真是比較困難(有無人可以講係邊到有多D option ???) 因此，在缺豆兩天後，便在7月1日，去了Elements的Three Sixty，買了一包Dark Roast的Organic Arabica Coffee。



味道香濃，而且略帶甘苦，正合我的需要。 <-- 其實也不是太懂得如何形容個味道

飲飽食醉 - 鐵路便當/飯盒

近日又執相，令我想起，去旅行時，少不免會在火車上解決食的問題，因此，今次我就講講鐵路便當/飯盒吧。

不計在歐洲列車上的"light refreshment"，試過最印象深刻的鐵路便當/飯盒便有下列各款了：

台灣
05年到台灣，在嘉義車站的月台商店上，買了個鐵路便當作午餐，帶了上開往高雄的火車上邊看邊吃：
包裝有強烈的鐵路風味

內裡是台式排骨飯，味道適中


日本
07年到日本，在高山駅的月台商店上，買了個當地出名的飛騨牛鐵路便當作午餐：

內裡的飛騨牛壽司飯真係想在食多次


大陸
04年從深圳乘火車到廣州東，因為早的關係，在無時間吃早餐的情況下，唯有在列車上買了個盒飯當早飯吧
不講了，看圖吧

這是一舊飯：

(圖片由友人提供)

最後，雖然是餓，但，真的吃不下去了，結果，這個盒飯便在吃了兩口後便放埋一邊了：

(圖片由友人提供)

不過據聞廣深線上的餐點服務經已改為外判，並有了顯著的改善~ (不過自己未試過)

飲飽食醉 - 無咖啡的代替品

上個星期五唔記得帶返個"盒"返屋企裝咖啡粉返工，結果今日無咖啡飲。
好彩有友人係台灣帶回來的茶包禮盒係袋，六種口味，可以慢慢試。

飲飽食醉 - Coffee Press

我是一個無啡不歡的人，每日返工無咖啡就等於靈魂無返來咁。

以前在荔枝角，總會在臨上樓前排樓下間Circle K 去買杯茶餐廳式熱咖啡 + 三文治做早餐。

不過，轉了到筲箕灣後，起初得地鐵站有Circle K (即係無 $10 熱咖啡 + 三文治早餐賣...)，之後仲摺埋，因此我唯有買罐裝吧。

不過始終都係想飲熱咖啡，又因為3合1太甜，而即溶又麻煩，於是我便想，與其都是要買即溶 + Coffeemate + 糖，我倒不如每日來個"新鮮"即磨咖啡吧。

於是想到有兩個方案，一係用funnel/filter，一係用coffee press。不過因為funnel/filter要買consumable，同埋要係pantry睇到實，結果我就決定去買個Coffee Press返來。

二月時到Starbucks看，他們賣的coffee press太大了，於是便再走到Citysuper看，$2xx。



帶到返公司後，我就展開了每日整咖啡的日子，每當頂部的咖啡渣漸漸地向下沉到差不多的時候，就代表我有咖啡飲了。

而每日我就變成少則一杯，多則三杯 (record so far...)~~ haha

飲飽食醉 - 天后，甜品

一個好大份的甜品 (唔記得叫乜名)，攝於天后石磨坊 @ 上月旅行前數天

飲飽食醉 - 漢堡系列 III - Triple O

隔了好耐才出『飲飽食醉 - 漢堡系列 III』

今次要介紹的係由加拿大來港的Triple O的漢堡. 每次去親Triple O，我都係會叫BC Burger (有時會加多隻雞蛋)，價錢來說算是比較貴，大概是$61 一個BC Burger Combo。



那它有何吸引我之處呢？首先就係即叫即製，相對地比較新鮮，而肉方便則肉汁豐富，而且大大份，一個Combo足夠填滿個肚。薯條則是粗身直薯條，如果配以Beef Gravy的話則十分野味。Overall 來說，我會話佢係物超所值的。

下面是兩間比較常光顧的Triple O地址

金鐘太古廣場二期LG1地庫 Great Food Hall (More in openrice)
尖沙咀海港城3樓city'super cooked Deli (More in openrice)

飲飽食醉 - 漢堡系列 II - Wow! Burger

上星期初Lunch時，發現東大街開了一間新的漢堡包店 Wow! Burger，不過因為lunch時間好難找到位，因此遲遲都未能入去品嚐一下。
最後，適逢星期六約了友人到筲箕灣食飯，於是便選擇了這間漢堡包店試下。

店舖的位不算多，最多只可坐12-16人吧。和友人選了兩個芝士牛肉漢堡，連同特飲，再加多一客薯條，總共約$80。


薯條：食咁多間，Wow! 最可以比到回憶比我，用的是兒時在小型快餐店常見的波浪薯條，炸得鬆脆
個包：真的有烘過，包面脆而中間則是軟綿綿的
D肉：呢個係我對佢保留的地方，我估可能因為d 漢堡肉餅係自加製，雖然係勁juicy，不過D肉好散，有一種未入口經已散的感覺，咬感欠奉，不過份量OK

當然，比M字頭的工廠式製作漢堡，質素來說 Wow! 是好得多的，不過如果個肉餅可以"結實"點的話，我會更覺得『抵食』吧。

後補 -
唔記得打地址，筲箕灣東大街東興大廈地下，泰國人海南雞隔離

飲飽食醉 - 漢堡系列 I - Shake'em Buns

連續三日都係食Burger，驅使我來一個漢堡系列的報導
第一間要介紹的Burger不是大家expect的Burger King，而是一間美式漢堡包店Shake'em Buns

價格可以話算是中上級，一個最平的漢堡 Missionary 都要 $56，再加一個飲品和side dishes的話，就要超過 $100


Debbie Does Dallas

中間的漢堡扒是即叫即煎，肉汁豐富，而且份量驚人(因為是美式份量，如果嫌不夠的話可以叫Gang Bang...最大份的一個包)，再加上一杯Smoothie，就真係完成了一個豐富的晚餐。

而基本上，到目前為止，自己只是吃過Missionary 同Debbie Does Dallas。

質素來說，我是呢個moment來說會把Shake'em Buns排第一的，不過，始終因為價錢問題，不會時常去光顧吧~

下面是兩間我光顧過的Shake'em Buns地址

中環威靈頓街76號地下 (More in openrice)
灣仔莊士敦道60號嘉薈軒5號舖 (More in openrice)

飲飽食醉 - Onion Rings in Burger King Style

早前朋友到台北時買來的手信

收到的是一個包裝精美的袋


打開，原來係Burger King出的Onion Rings


Made in USA

主角出場，美味可口的Onion Rings~

近日天寒地凍...

終於放棄了美心麵包加存放在公司的Nescafe Morning，改為在地鐵站附近的茶餐廳買杯少奶咖啡，順道加埋早餐外賣。

前幾天還是到了茶餐廳才落order，結果要等短則三分鐘，多則廿分鐘。結果，今日決定乘地鐵時上OpenRice找茶餐廳的電話，早兩個車站落Order，結果剛剛好。

明日繼續~直至天氣回暖~~~

因應公司附近間Circle K摺左...

前日就去了附近的超市入貨...

 

P.S. 7仔無呢隻賣

飲飽食醉 - Kebab

係英國，唔知係咪多中東/南亞移民的關係，Kebab這一種烤肉算是非常流行的，尤其一到晚上，總會發現有不小流動售賣Kebab的車停在路上售賣Kebab。


流動售賣Kebab的車

五月去英國時係Oxford告士打綠旁的Kebab Kids Order的Kebab http://www.kebabkid.com

係香港，原來都有不少賣Kebab的餐廳，上個星期五我就去了一間位於尖沙咀亞士厘道的Ebeneezer's Kabab試下本地的Kebab。 http://www.ebeneezers.com/

舖位不大，亦可能為了用盡地方，店舖由自己去落order點野改位at seat service。看見廚房的大部份都是南亞裔的，相信品質有保證。自己當日點了個Lamb and Chicken Kebab和Chips with Cheese，差點吃不清。

以foil捲好了的Lamb and Chicken Kebab，方便進食

Chips with Cheese，感覺比Shake'em Bun 好

飲飽食醉 - 法國火腿蛋通粉

這碗法國火腿蛋通粉，價值約3.48歐羅(港幣34.00)，仲唔包括背景的熱飲。
雖然用料充足，火腿份量比茶餐廳的多成倍，可惜用的不是法國的火腿，法國的蛋，法國的菜心或法國的通粉。這碗通粉這麼貴，原因可能只係因為係法國醫院canteen叫。

註：今朝去醫院接屋企人走之前上了去canteen食早餐，火腿蛋通粉連熱咖啡，埋單HK$48，真係好鬼貴。

飲飽食醉 - 炮台山Burger King

今日(01-Nov)特意地放工後慢慢坐電車落炮台山新開的Burger King試食。
去到時大約係2:45pm，一上到去，客的數量很多，幾乎坐無虛席，而且counter前亦聚集了不少等食物的客人。
點了個Whopper Bacon & Cheese，等了約兩分鐘便有了。
薯條質素OK ，脆而味濃，保持應有的水準，至於過Whopper就有點失望，埋位到開始打開包裝紙只是不到3分鐘的事，不過第一口咬落去就覺得個包不是太熱(有點涼)，而漢堡扒亦感覺上少了一份新鮮Grill過的味道。也許這間BK為了希望快點處理道每個客的order而pre-made了一些漢堡有關吧(係counter見放Burger個tray放了約五到六個做好了的包)，希望下次去會好一點吧。

飲飽食醉 - Mini Rolls

另一樣係英國讀書時迷上的小食，就是吉伯利的Mini Rolls。
朱古力脆皮，包著一個忌廉/士多啤梨軟蛋糕，就是我當年的最愛，那時溫書同做FYP時，可以日食十多件~~
可惜香港無得賣，因此之後去了兩次英國旅行都會專登到超市掃貨，同埋叫D friend 來香港/到英國時帶比我。

飲飽食醉 - KMB

正在想今日晏晝去食mud好，就令我醒起KMB了
見到KMB三個字，你會想起甚麼？巴士？
不過KMB對我來說，就係開餐的意思，當年係英國讀書，出外用膳的話，如果不是去中餐館或者"哈仔"的話，便只會選擇在Cornmarket Street 三間負擔得起的食肆 - KFC, McDonald's 或者Burger King ，取每間的頭一個字母，KMB就變成每當找地方開餐時，腦開中即時閃起的三個字了。

自Burger King於香港市區開業後，KMB就連係香港都用得著了~~~

P.S. 不過現在食Burger的地方都有不少，去過而會再去的有
1. Burger King (係英國時迷上了)

2. Shakes em' Bun (幾Juicy~)
3. Triple O
4. MOS Burger
5. 時新 (這個比較麻煩)


去到英國，連行李都未settle就幫襯BK~~~

註：呢篇野原本係facebook到打，不過都覺得幾值得留起佢，因此post返過來