Saturday, January 30, 2010

『新』玩具之一 - 交易篇

八月三十日,約了賣方在觀塘試車。雖然事前經已『補鐘』,不過要我親身上陣去試車呢,我又不是太夠膽,因此我還是call了兩位朋友來一起去試車。

今次的目標是一架米色(Beige,個行車證係咁寫)Toyota 98年 自動波 Corolla (AE110),在經過約三公里的試車後,便正式簽了份臨時約,再約了九月一日做交易。


Saturday, January 23, 2010

Excel

不知為何,用了電腦這麼多年,最會令我突然對住個mon 大叫的事情,亦是最容易發生的事情,就是Excel hang左。

也不知為何,打機,用word,寫program,你會不停地save progress,只有Excel係會時常忙了去save,結果一hang,就甚麼也沒有了。

有時,大概會估到為可會發生這個問題,就像大面積的copy n' paste action,大面積的formatting,都係比較高危的項目。

未知大家是否認同Excel是比較易hang這個問題呢?


寫於:Excel又hang了的時候

Wednesday, January 13, 2010

『新』玩具之一 - 前篇

回想去年九月,我寫過了一篇文,講下我係九月買左三樣新玩具,結果呢,事隔四個月,我才開始寫。

在二零零五年十月,我『無啦啦』咁走左入沙田學車,之後好好彩,係二零零六年二月十日,考埋路試就一take pass 左。不過自那次之後,除了『玩』了駕駛學院的8個鐘路路通外,就無再開過車了。那時,累積只是開過35小時的車吧。

幾個月前,見自己經已超過三年牌齡,第三者法律責任保險 (三保) 的保費照理解該跌到一個合理的水平,於是便開始向朋友放風話想買車。

起初就只係上下D車網,睇下D盤,心目中就係Toyota ge Corolla ,原因呢,就係除左佢,同埋Mini 外,我就唔識其他車款喇。之後睇下睇下呢,又發現了一個問題,便是在約看車前,首先要去重溫一下如何開車。結果在八月,便約左個舊同事,係佢監督下,揸佢架 RAV4 ,係上水不停地連泊車,再係附近兜下,最後很安全地完成了那天的『補鐘』~~